கரூர் ஆர்.டி மலை ஜல்லிக்கட்டு இடத்தை மாவட்ட ஆட்சியர் ஆய்வு செய்தார்

கரூர் மாவட்டம் தோகைமலை அருகே உள்ள ஆர்.டி.மலையில் பொங்கல் பண்டிகையை முன்னிட்டு கிராம பொதுமக்கள் சார்பில் 64-ஆம் ஆண்டு ஜல்லிக்கட்டு ஜன. 17-ஆம்தேதி நடைபெற உள்ளது. முன்னதாக ஜல்லிக்கட்டு நடத்த மாவட்ட ஆட்சியரிடம் அனுமதிக்கேட்டு கடந்த வாரம் கிராம மக்கள் சார்பில் கோரிக்கை மனு அளிக்கப்பட்டது.

இந்நிலையில் ஜல்லிக்கட்டு நடத்த மாவட்ட ஆட்சியர் கடந்த 9 ஆம் தேதி அனுமதி அளித்தார். இதையடுத்து ஜல்லிக்கட்டு நடத்த வாடிவாசல் அமைத்தல், ஜல்லிக்கட்டு மாடுகள் வரும் பாதை, மாடு பிடி வீரர்களுக்கான இடம், பார்வையாளர்களுக்கான இடம், வாடி வாசலில் இருந்து காளைகள் அவிழ்த்துவிடும் பகுதி, மாடுகள் ஓடும் பாதை, தடுப்பு வேலிகள், மருத்துவ சேவை, பரிசு வழங்குவோர் இடம், அவசர வழி, வாகனங்கள் நிறுத்தும் இடம் என அனைத்து பகுதிகளையும் முறையாக அமைக்கும் பணியில் விழா குழுவினர்கள் ஈடுபட்டுள்ளனர்.

இப்பணிகளை மாவட்ட ஆட்சியர் தங்கவேல்,மாவட்ட எஸ்பி ஜோஸ் தங்கையா இன்றுபார்வையிட்டு ஆய்வு மேற்கொண்டார்.அப்போது, ஜல்லிக்கட்டு தணிக்கைகுழுவினர், கால்நடைத்துறை, வருவாய்துறை, மருத்துவ துறை, தீயணைப்புத்துறைஅதிகாரிகள் மற்றும் விழா கமிட்டிநிர்வாகிகளுடன் ஜல்லிக்கட்டு போட்டியில்மேற்கொள்ளப்படும் கட்டுப்பாடுகள், மாடுபிடிவீரர்கள் பாதுகாப்பு, பார்வையிட வரும்பொதுமக்கள் பாதுகாப்பு, காளைகள்பாதுகாப்பு குறித்து பல்வேறு ஆலோசனைகள்மற்றும் அறிவுரைகளை கமிட்டி நிர்வாகிகள் மற்றும் அதிகாரிகளுக்கு வழங்கினார்.

 விளம்பரம் மற்றும் செய்தி தொடர்புக்கு:

ஜனனி அழகிரி துணை நிர்வாக ஆசிரியர் 

98424 88998